फागुनको २९ गतेबाट रिलिजमा आउन लागेको फिल्म ‘अन्जिला’को पहिलो गीत ‘डल्ले डल्ले खुर्सानी’ सार्वजनिक गरिएको छ ।
सार्वजनिक गीतमा राजनराज सिवाकोटी र मेलिना राइको स्वर, राजनराजकै शब्द तथा संगीत छ ।
मिलन चाम्सको निर्देशनमा तयार भएको यो गीतको भिडियोमा नायक दयाहाङ राई र नायिका मिरुना मगरको नृत्य हेर्न सकिन्छ । यो गीतलाई निर्माणपक्षले प्रमोशनका रुपमा प्रयोग गर्ने वुझिएको छ ।
नेपालको महिला राष्ट्रिय फूटबल टिमकी गोलकिपर एन्जिला तुम्बापे सुब्बाको जीवनीमा आधारित रहेर यो फिल्म निर्माण गरिएको हो । फिल्ममा दयाको साथमा श्रृजना सुब्बा, माओत्से गुरुङ, सुनिल थापा, एन्जिलाको मुख्य भूमिका छ ।
प्रेमकुमार श्रेष्ठको लगानीमा तयार भएको फिल्ममा प्रदीप भारद्धाज, यम थापा र गिरिराज घिमिरेको लेखन, सुदिप बरालको छायांकन, मिलन श्रेष्ठको सम्पादन, कविराज गहतराको कोरियोग्राफी छ ।
प्रतिक्रिया