भुतुक्कै बनाउने आनाको सुन्दरता

नायिका आना शर्मा दुई तरिकाबाट अहिले चर्चामा छिन् । एक त उनी गायक सुशान्त केसीसँगको प्रेमका कारण चर्चामा छिन् । साथै, माघको १६ गतेबाट रिलिजमा आउन लागेको फिल्म ‘एक्टर’का कारण पनि उनको चर्चा छ ।

आना आफ्नो पहिरन र सुन्दरताका कारण पनि चर्चामा रहन्छिन् । मिडियामा निकै कम आउने भएकाले पनि आनाको चर्चा कम हुन्छ । तर, नायिका शर्माको पहिरनप्रतिको मोह पनि गज्जब देखिन्छ ।

फिल्मको ट्रेलर रिलिज कार्यक्रममा आनाले लगाएको पहिरनको चर्चा खुबै भयो । उनी सारीमा कार्यक्रममा पुगेकी थिइन् । तर, उनको सुन्दरता सारीमा धपक्कै खुलेको थियो ।

फिल्म क्षेत्रमा केही बर्ष विताएपनि आनाले अपेक्षित सफलता भने पाएकी छैनन् । उनले अभिनय गरेका फिल्मले व्यापारिक रुपमा सफलता हात नपार्दा यस्तो अवस्था आएको हो ।

अब, फिल्म ‘एक्टर’ चलिदिएको खण्डमा भने उनलाई फाइदै फाइदा हुनेछ ।