फिल्ममा दिव्याको ह्याट्रिक

एउटा पनि फिल्म रिलिज नहुँदै नव–नायिका दिव्या रायमाझीले तीन वटा फिल्म साइन गरिसकेकी छिन् । यसरीहेर्दा, उनको फिल्ममा काम गराइको आधारमा ह्याट्रिक भएको छ ।

दिव्याले अभिनय गरेको डेब्यू फिल्म ‘एक्टर’ बुधबारदेखि रिलिजमा आउँदैछ । यो फिल्ममा काम गर्दागर्दै दिव्याले फिल्म ‘पिताम्बर’मा पनि काम गरिसकेकी छिन् । यो फिल्म चैत्रको २९ गतेबाट रिलिजमा आउँदैछ ।

अब, दिव्याले फिल्म ‘माया प्रिती’ पनि साइन गरेको खबर छ । नायिका नीशा अधिकारीले निर्माण गर्न लागेको यो फिल्ममा दिव्याले काम गर्ने पक्का भएको हो ।

नेपाली फिल्मका मेकरले दिव्यामाथि आखा चिम्लिएर विश्वास गरेका छन् । एउटा पनि फिल्म रिलिज नहुँदै दिव्याको हातमा अन्य दुई वटा फिल्म छ । यसरीहेर्दा, उनी नेपाली फिल्ममा व्यस्त नायिका बन्ने देखिएको छ ।

तर, दिव्यामाथि यसरी धमाधम लगानी गर्दा मेकरमाथि जोखिम पनि सिर्जना हुनसक्छ । उनको पहिलो फिल्मको काम र व्यापार हेरेर उनीमाथि लगानी गर्ने प्रतिक्षा पनि मेकरले नगरेको देखिन्छ ।