काठमाडौँ- कैलालीमा घरायसी विवादका क्रममा भाइले दाजुको हत्या गरेका हुन् ।
जिल्लाको धनगढी उपमहानगरपालिका १७ दीपनगर टोल बस्ने ३५ वर्षका लालबहादुर बोहराको गएराति ३० वर्षका सहोदर भाइ प्रकाश बोहराले हत्या गरेको जिल्ला प्रहरी कार्यालय कैलालीका सहायक प्रवक्ता प्रहरी निरीक्षक दर्शन खड्काले बताए ।
घरायसी विवादमा दाजु लालबहादुरमाथि भाइ प्रकाशले घाँटीमा कैँची प्रहार गरेका थिए भने कैँची प्रहारबाट गम्भीर घाइते भएका लालबहादुरलाई राति नै धनगढीको निसर्ग अस्पताल पुर्याइएको थियो ।
उपचारको क्रममा उपचारका क्रममा मृत्यु भएको प्रहरी निरीक्षक खड्काले जनाए । भाइ प्रकाशलाई भने जिल्ला प्रहरी कार्यालयले पक्राउ गरेका छन् । घटनाबारे थप अनुसन्धान भइरहेको प्रहरीले बताए ।
प्रतिक्रिया