काठमाण्डौ – त्रिदेशीय महिला टी-२० अन्तर्राष्ट्रिय क्रिकेट शृङ्खलामा नेदरल्यान्ड्सले नेपाललाई १ सय ४१ रनको लक्ष्य दिएको छ।
कीर्तिपुरको त्रिवि क्रिकेट मैदानमा टस जितेर ब्याटिङ गरेको नेदरल्यान्ड्सले २० ओभरमा ९ विकेट गुमाएर १ सय ४० रन बनायो। नेदरल्यान्ड्सकी कप्तान बबेते डी लीडेले ४१ रन बनाइन्, जबकि नेपालकी सीता राना मगरले ५ विकेट लिइन्।
यो नेपालको शृङ्खलामा तेस्रो खेल हो। नेपालले उद्घाटन खेलमा नेदरल्यान्ड्ससँग ४ विकेटले पराजित भएको थियो भने दोस्रो खेलमा थाइल्यान्डसँग २० रनको हार भोगेको थियो। अब, भोलि नेदरल्यान्ड्स र थाइल्यान्डबीच अर्को खेल हुनेछ। लिग चरणमा शीर्ष रहने टोलीले उपाधि जित्नेछ।
सीता राना मगरको करिअरकै उत्कृष्ट बलिङ प्रदर्शन
नेपाली महिला क्रिकेट टोलीकी अलराउन्डर सीता राना मगरले टी-२० अन्तर्राष्ट्रिय क्रिकेटमा आफ्नो करिअरकै उत्कृष्ट बलिङ प्रदर्शन गरेकी छन्।
सीताले आइतबार कीर्तिपुरको त्रिवि मैदानमा नेदरल्यान्ड्सविरूद्ध ५ विकेट लिँदै १२ रन मात्र खर्चिन्। यसअघि, सीताले ५ विकेट लिँदा १६ रन दिएका थिए।
सन् २०२३ को अगस्टमा मलेसियामा भएको सिरिजमा हङकङविरूद्ध पनि उनले उत्कृष्ट बलिङ गरेकी थिइन्। ४ ओभरमा ५ विकेट लिँदै नेपालले हङकङलाई ८४ रनमा समेटेको थियो।
सीताले १८औं ओभरमा ३ विकेट र २०औं ओभरमा २ विकेट लिइन्। उनले आफ्नो पछिल्लो दुई ओभरमा ५ विकेट लिँदै ५ रन मात्र दिए। यस प्रदर्शनसँगै, नेदरल्यान्ड्सले उच्च स्कोरतर्फ बढिरहेको अवस्थामा सीताले ठूलो टर्निंग प्वाइन्ट ल्याइन्, र अन्ततः १४० रनमा समेटिए।
प्रतिक्रिया