“हरिवंशको “हरिबहादुरको जुत्ता” अमेरिका–नेपाल एकैपटक रिलिज, अमेरिकामा ८० पर्दामा

फिल्म ‘हरिबहादुरको जुत्ता’ अमेरिकी ८० पर्दामा प्रदर्शन हुने भएको छ। टेक्सास, न्यूयोर्क, ओहायो, पेन्सिलभेनिया लगायतका राज्यका सिनेमार्क, सिनेपोलिस र रेगल सिनेमाजमा फिल्म प्रदर्शन हुने जनाइएको छ।

नेपालमा भने दशैंको फूलपातीका दिन असोज १३ गतेदेखि फिल्म रिलिज हुनेछ। हरिवंश आचार्य स्टारर यो फिल्ममार्फत आहान पौडेलले वितरण क्षेत्रमा डेब्यू गर्दैछन्। उनी चर्चित फिल्म वितरक उज्वल पौडेलका छोरा हुन्।

अमेरिकामा बसोबास गर्दै आएका आहानको वितरण कम्पनी चलचित्र इन्टरटेनमेन्ट एलएलसी ले यो फिल्म प्रदर्शन गर्न लागेको हो। फिल्म टेक्सास, न्यूयोर्क, ओहायो, पेन्सिलभेनिया, कनेक्टिकट, न्यू ह्याम्सायर, मासाचुसेट्स, नेब्रास्का, जर्जिया, मिजौरी, विस्कन्सिन, नर्थ डेकोटा, मिनेसोटा, आयोवा, मेरिल्याण्ड, वासिङ्टन डीसी, भर्जिनिया, उटाहलगायतका राज्यमा देखाइनेछ।