हङकङमा बाथरुममा लडेर शेरबहादुर देउवाको दायाँ हात भाँचियो

काठमाडौं – नेपाली कांग्रेसका पूर्वसभापति तथा पूर्वप्रधानमन्त्री शेरबहादुर देउवा हङकङमा घाइते भएका छन्। केही दिनअघि बाथरुममा लड्दा उनको दायाँ हात भाँचिएको स्रोतले जनाएको छ।

देउवानिकट स्रोतका अनुसार उनलाई तत्काल स्थानीय अस्पतालमा उपचारका लागि लगिएको थियो। उपचारपछि उनी अस्पतालबाट डिस्चार्ज भइसकेका छन् र स्वास्थ्य अवस्था सामान्य रहेको बताइएको छ।

पछिल्लो समय हङकङमा बस्दै आएका देउवा पत्नी तथा पूर्वपरराष्ट्रमन्त्री डा. आरजु राणा देउवासँग सार्वजनिक रूपमा हिँडडुल गरिरहेको भिडियोहरू पनि बेला–बेलामा सामाजिक सञ्जालमा देखिने गरेका छन्।

देउवा ७ चैत २०८२ मा थप उपचारका लागि सिंगापुरबाट हङकङ पुगेका थिए। त्यसअघि उनी १३ फागुन २०८२ को राति सिंगापुर एयरलाइन्सको उडानमार्फत सिंगापुर गएका थिए।