काठमाडौं — राष्ट्रिय स्वतन्त्र पार्टी (रास्वपा) को आन्तरिक बैठक लम्बिँदा प्रतिनिधिसभाको बैठक समयमा सुरु हुन नसकेको भन्दै हर्क साम्पाङले व्यंग्य गरेका छन्।
प्रतिनिधिसभाको बैठक निर्धारित समयमा सुरु हुन नसकेको विषयलाई लिएर साम्पाङले सामाजिक सञ्जालमार्फत व्यंग्य गर्दै भनेका छन्, “अब ग्यासको लाइनमा बस्न जानुपर्ला!”
संसद्को बैठक ढिला हुँदा जनप्रतिनिधिको भूमिकामाथि प्रश्न उठाउँदै साम्पाङले यस्तो टिप्पणी गरेका हुन्। उनको अभिव्यक्तिले राजनीतिक दलका बैठक र त्यसको प्रत्यक्ष प्रभाव संसद्को कार्यतालिकामा पर्ने विषयप्रति व्यंग्यात्मक संकेत गरेको देखिन्छ।
साम्पाङको उक्त टिप्पणी सामाजिक सञ्जालमा चर्चाको विषय बनेको छ। कतिपयले उनको अभिव्यक्तिलाई संसद्को कार्यशैलीप्रतिको कटाक्षका रूपमा लिएका छन् भने केहीले राजनीतिक गतिविधिमा देखिने ढिलासुस्तीप्रति गरिएको व्यंग्यका रूपमा टिप्पणी गरेका छन्।
प्रतिक्रिया