अमेरिकामा २४ घण्टामा मृत्यु हुनेको संख्या अहिलेसम्मकै उच्च !

संयुक्त राज्य अमेरिकामा पछिल्लो २४ घण्टामा कोरोना भाइरस (कोभिड–१९) कोरोना भाइरसका कारण हालसम्मकै धेरैको मृत्यु भएको छ । २४ घण्टामा २ हजार ४३ जनाको मृत्यु भएको अधिकारीहरुले बताएका छन् । यो २४ घण्टामा मृत्यु हुनेको संख्या हालसम्मकै उच्च हो । यो सँगै अमेरिकामा कोभिड–१९ का कारण ज्यान गुमाउनेको संख्या १८ हजार ७ सय २५ पुगेको छ । यस्तै एकै दिन ३३ हजार ७ सय ५२ नयाँ संक्रमित थपिएका छन् । कूल संक्रमित संख्या ५ लाख २ हजार ३ सय १८ पुगेको छ । जसमध्ये झण्डै ११ हजारको अवस्था नाजुक छ ।