नेपालमा एकै दिन थपिए अहिलेसम्मकै धेरै संक्रमित, थप तीन जिल्लामा संक्रमण फैलियो !

नेपालमा मंगलबार थप २६ जनामा कोरोनाभाइरसको संक्रमण पुष्टि भएसँगै कूल संक्रमितको संख्या २१७ पुगेको छ । मंगलबार ८३ जना कोरोनाभाइरस संक्रमित थपिएका छन् । एकै दिनमा यति धेरै कोरोना संक्रमित थपिएको मंगलबार पहिलो पटक हो । आज सर्लाही, महोत्तरी र भक्तपुर जिल्लामा पहिलो पटक संक्रमित फेला परेका छन् । सर्लाहीका ४५ वर्षीय पुरुषमा कोरोनाभाइरसको संक्रमण देखिएको हो ।

भक्तपुर जिल्लामा पनि पहिलो पटक कोरोनाभाइरसको संक्रमण देखिएको छ । राष्ट्रिय जनस्वास्थ्य प्रयोगशाला काठमाडौँमा गरिएको परीक्षण अनुसार भक्तपुर जिल्ला निवासी २५ वर्षीया महिला र २७ वर्षीय पुरुषमा कोरोनाभाइरसको संक्रमण देखिएको हो । यस्तै महोत्तरीका १६ र ३५ वर्षीय पुरुषमा कोरोना पुष्टि भएको छ। स्वास्थ्य तथा जनसंख्या मन्त्रालयका अनुसार उनीहरुको स्वास्थ्य अवस्था सामान्य रहेको छ ।