९ महिना अघि मात्रै पोष्ट गरेका थिए, ‘म क्यान्सरबाट बचेँ, मरिनँ’: ४२ वर्षको उमेरमा अभिनेताको निधन !

पिके, रकअनजस्ता फिल्ममा काम गरिसकेका टिभी तथा फिल्म अभिनेता साइ गुन्डेवरको चार दिनअघि अर्थात् मे १० तारिखमा निधन भएको छ । उनी ब्रेन क्यान्सरबाट पीडित थिए र उनको उपचार लस एन्जिलिसमा चलिरहेको थियो । यो खबर महाराष्ट्रका गृहमन्त्री अनिल देशमुखले आफ्नो ट्वीटर ह्यान्डलमा सेयर गरेका छन् । अनिलले मराठीमा लेखेको यो ट्वीटमा भने, ‘पिकेजस्तो चर्चित फिल्ममार्फत् दर्शकको दिलमा बसेका नायक साईप्रसाद गुन्डेवारको क्यान्सरका कारण दुःखद निधन भएको छ । उनलाई भावपूर्ण श्रद्धाञ्जली ।

९ महिना अघि अर्थात् अगस्ट २०१९ मा साईले एक पोस्ट इन्स्टाग्राममा सेयर गर्दै लेखेका थिए, ‘साथीहरु, मलाई थाहा छैन कि कतिजनालाई यसबारे थाहा छ । तर भगवानको कृपाा र मेडिकलको सहयोग पछि क्यान्सरबाट निस्कन सकेको छु, र मरेको छैन । सायद मलाई केही मानिसहरुले साँच्चै नै माया गर्नुहुन्छ । साईले अमेरिकाका चर्चित सिरिज जस्तै स्वात, कग्नी एण्ड लेसी, द ओरविले, द मार्स, कन्सपाइरेसीमा काम गरेका थिए । उनी सन् २००७ मा भारत फिर्ता भएका थिए । साई सन् २०१० मा चर्चित भएका हुन् । साईलाई एमटिभी स्प्लिज्विला सिजन ४, आई मी और मे, बाजार, डेविड र युवराज फिल्ममा देखिएको थियो । साईको फेसन डिजाइनर सपना अमिनसँग पाँच वर्षअघि विवाह भएको थियो ।