बीचमै रोकिएको चन्द्रागिरी केबलकार चालु, ७७ जनाको उद्दार

काठमाडौं– काठमाडौंको चन्द्रागिरि केबलकार बीचमै रोकिँदा यात्रुहरूहरुको उद्दार गरिएको छ । बुधबार करिब साढे १ बजे केबलकार बन्द भएपछि यात्रुहरू अड्केका थिए ।

विद्युत सेवा अवरुद्ध भएपछि ८ डिब्बामा रहेका यात्रुहरु फसेका थिए। उक्त डिब्बामा ७७ जना यात्रु अड्किएका हुन्। केबलकारमा फसेका यात्रुमध्ये स्टेसन नजिक रहेका ८ जना यात्रुको भर्‍याङ लगाएर प्रहरीले उद्धार गरेको थियो ।

जंगलको बिचमा रहेका डब्बाबाट यात्रुलाई उद्धार गर्न कठिनाई भइपछि अन्य यात्रुहरु करिब ३ घण्टा फसेका थिए । उनीहरुको उद्धारका लागि सशस्त्रको नम्बर ९ पशुपतिनाथ बाहिनीबाट २६ जनाको टोलीसमेत खटिएको थियो । उक्त टोलीले उद्दार कार्य सुरु गर्ने वित्तिकै प्राविधिक समस्या समाधान भएर केबलकार सूचारु भएको थियो ।