राष्ट्रिय स्वतन्त्र पार्टी (रास्वपा) को प्रथम राष्ट्रिय महाधिवेशनमा सहभागी हुन नेपाली कांग्रेसका महामन्त्री गगन कुमार थापा चितवन पुगेका छन्।
रास्वपाको पहिलो महाधिवेशन आज चितवनमा सुरु हुँदैछ। महाधिवेशन उद्घाटन कार्यक्रममा सहभागी हुन रास्वपाको निमन्त्रणालाई स्वीकार गर्दै थापा चितवन पुगेका हुन्।
रास्वपाले महाधिवेशनमा विभिन्न राजनीतिक दलका शीर्ष नेताहरूलाई समेत निमन्त्रणा दिएको छ। महाधिवेशनमा पार्टीको भावी नेतृत्व चयन, राजनीतिक प्रतिवेदन तथा संगठन विस्तारका विषयमा छलफल हुने जनाइएको छ।
देशभरबाट आएका प्रतिनिधि तथा पर्यवेक्षकहरूको उपस्थितिमा सुरु हुन लागेको महाधिवेशनलाई रास्वपाको संगठनात्मक विकास र आगामी राजनीतिक दिशानिर्देशनका लागि महत्वपूर्ण अवसरका रूपमा हेरिएको छ।
प्रतिक्रिया