काठमाडौं । राष्ट्रिय स्वतन्त्र पार्टी (रास्वपा) का सभापति रवि लामिछानेले पार्टीका सांसद खगेन्द्र सुनारसँग स्पष्टीकरण सोध्ने तयारी गरेका छन्।
संसदीय समितिमा भ्रष्टाचार तथा अनियमितताको विषय उठाउँदै प्रश्न गरेपछि सुनारसँग पार्टीले स्पष्टीकरण माग्ने तयारी गरेको हो। पार्टी नेतृत्वले उनको अभिव्यक्ति र गतिविधिबारे स्पष्टिकरण लिने तयारी गरेको बताइएको छ।
सुनारले भने सार्वजनिक विषयमा प्रश्न उठाउनु सांसदको जिम्मेवारी भएको भन्दै आफूले गलत नियतले कुनै कुरा नउठाएको बताउँदै आएका छन्।
रास्वपाले स्पष्टीकरणपछि सुनारको जवाफ चित्त नबुझे आवश्यक कारबाही गर्ने तयारी गरेको स्रोतको भनाइ छ। पार्टीले यस विषयमा आन्तरिक छलफलसमेत अघि बढाएको छ।
प्रतिक्रिया