देवानगञ्ज र गोलबजार घटनाको छानबिनपछि प्रतिवेदन पेश

काठमाडौँ । सुनसरीको देवानगञ्ज र सिरहाको गोलबजारमा भएका घटनाबारे गठित छानबिन समितिले प्रतिवेदन बुझाएको छ।देवानगञ्ज–३ कप्तानगञ्जमा साउन १० गते भएको हिन्दु–मुस्लिम झडपमा तीन जनाको मृत्यु भएको थियो। यस्तै, साउन १४ गते गोलबजारमा प्रदर्शनका क्रममा प्रहरीसँगको झडपमा १८ वर्षीय गणेश यादवको मृत्यु भएको थियो।

दुवै घटनाबारे गृह मन्त्रालयले छुट्टाछुट्टै समिति गठन गरी स्थलगत अध्ययन तथा छानबिन गरेको थियो। समितिले मंगलबार गृहमन्त्री सुधन गुरुङलाई निष्कर्ष र सिफारिससहित प्रतिवेदन बुझाएको गृह मन्त्रालयका प्रवक्ता आनन्द काफ्लेले जानकारी दिए।

उनका अनुसार प्रतिवेदनमा उल्लेखित निष्कर्ष र सिफारिस अध्ययन भइरहेको छ।