स्वदेशी वस्तु प्रयोग बढाउन प्रधानमन्त्रीको निर्देशन

काठमाडौँ । प्रधानमन्त्रीले सबै सरकारी निकायलाई स्वदेशी वस्तु तथा उत्पादनको प्रयोगलाई प्राथमिकता दिन निर्देशन दिएका छन्।

प्रधानमन्त्रीले सरकारी कार्यालयमा आवश्यक सामग्री खरिद गर्दा सम्भव भएसम्म स्वदेशमै उत्पादित वस्तु प्रयोग गर्न जोड दिएका हुन्। स्वदेशी उत्पादनको प्रवर्द्धनले घरेलु उद्योग तथा व्यवसायलाई प्रोत्साहन गर्नुका साथै रोजगारी सिर्जना र आयात घटाउन सहयोग पुग्ने उनको भनाइ छ।

उनले सरकारी निकायले स्वदेशी उत्पादनको प्रयोगमार्फत नेपाली उद्योगी–व्यवसायीलाई प्रोत्साहन गर्ने वातावरण बनाउनुपर्नेमा जोड दिएका छन्।