काठमाडौँ । सर्वोच्च अदालतले कांग्रेसको १५औँ महाधिवेशन रोक्न माग गरिएको पूरक निवेदनमा अन्तरिम आदेश दिन अस्वीकार गरेपछि गगन थापा नेतृत्वको कार्यसमितिलाई महाधिवेशन प्रक्रिया अघि बढाउन बाटो खुलेको छ।
थापा नेतृत्वले भदौ २४ गतेदेखि वडा अधिवेशन सुरु गरी असोज १६–१९ गते १५औँ महाधिवेशन गर्ने कार्यतालिका अघि सारेको छ।
तर निवर्तमान सभापति शेरबहादुर देउवा र नेता शेखर कोइराला पक्षले सर्वोच्चको आदेशप्रति असन्तुष्टि जनाउँदै छुट्टै महाधिवेशन कार्यतालिका ल्याउने तयारी गरेको छ। डा. शशांक कोइरालाले इतर पक्षले अलग कार्यतालिका सार्वजनिक गर्ने बताएका छन्।
संस्थापन पक्षले भने अदालतको आदेशपछि पूर्वनिर्धारित कार्यक्रमलाई निरन्तरता दिँदै सबै पक्षलाई महाधिवेशनमा सहभागी गराउने बताएको छ।
यद्यपि कांग्रेसको वैधानिकता विवादमा सर्वोच्चमा पुनरवलोकनको फैसला हुन बाँकी रहेकाले महाधिवेशन प्रक्रिया अझै कानुनी जोखिमबाट पूर्ण रूपमा मुक्त भने भएको छैन।
प्रतिक्रिया