निक्कै दुखद खबर: रातको १० बजे पहिरोले घर बगायो, ३ को मृत्यु, ६ बेपत्ता !

पर्वतको कुश्‍मा नगरपालिका-३ दुर्लुङमा पहिरो जाँदा तीन जनाको मृत्यु भएको छ । पहिरोमा परी ६ जना अझै बेपत्ता भएको जिल्ला प्रहरी कार्यालय पर्वतले जनाएको छ । पहिरोमा परी मृत्यु हुनेमा कुश्मा- ३ काफलचौरका ५२ वर्षीय तुल बहादुर थापा, उनकी श्रीमती ५२ वर्षीया मिनकुमारी थापा र उनकी नातिनी ८ वर्षीय बिबिसा थापा रहेको प्रहरीले जनाएको छ ।

जिल्ला प्रशासन कार्यालय पर्वतका सूचना अधिकारी धनश्याम गौतमले अहिले स्थानीयका साथै नेपाली सेना, सशस्त्र प्रहरी र नेपाल प्रहरीले उद्दार जारी राखेको र दुई महिला र एक पुरुष गरी ३ जनाको शव फेला परेको जानकारी दिए ।

केही व्यक्ति बेपत्ता भएको जानकारी आएपनि के कति संख्यामा बेपत्ता भए भन्नेबारे जानकारी आइनसकेको उनले बताए । स्थानीयले ९ जना सम्पर्कमा नभएकाे जानकारी गराएकाेमा ३ जनाकाे शव भेटिएकाे र अन्यकाे खाेजीकार्य भइरहेकाे उनकाे भनाइ छ ।