नायक पल शाहले यो बर्ष फिल्म सफलताको केक काट्न पाएनन् । फिल्म ‘पुजार सार्की’ चलेपनि त्यसको सफलताको खुशी उनले एक्लै साट्न पाएनन् ।
फिल्म ‘रावायण’ त बक्स अफिसमा पुरा रुपमा असफल बन्यो । यो फिल्मबाट त पलको आलोचना मात्र भयो ।
तर, म्युजिक भिडियोले भने पल शाहलाई खुशी दिएको छ । पल अहिले भिडियो सफलताको केक काट्नमा नै व्यस्त देखिएका छन् । नायक शाहले ‘ढले ढले’ बोलको गीतको केक बिहिबार काटे । भिडियोले ४ करोड ७१ लाख भन्दा बढी भ्यूज पनि पाइसकेको छ ।
सो कार्यक्रममा ढिलो गरि पुगेका पलले केक काट्दै खुशी साटे । साथमा, उनले आफूलाई आफ्नो मात्र नभएर अरुको युट्युब च्यानलका लागि पनि काम गर्न मन लाग्ने तर्क गरे । साथै, उनले आफूले हरेक प्रकारका गीतमा काम गरेको भन्दै सबै प्रकारका गीतमा काम गर्नुपर्ने बताए ।
आफूलाई सुरुवातमा फिल्मको हिरो भएर लोकगीतमा काम किन गरेको भन्नेहरु पनि प्रशस्तै रहेको उनको भनाई थियो । तर, आफूले हरेक प्रकारका गीतमा काम गर्नुपर्छ भन्ने मान्यता सुरुवातदेखि नै राखेको पलको भनाई छ ।
उनै, शाहले आज फेरि नयाँ गीत ‘पानको पात’को केक काट्दैछन् । उनले, ‘पानको पात’ बोलको गीतले एक करोड भ्यूज पाएको अवसरमा सेलिव्रेशन गर्न लागेका हुन् । यो गीतलाई भने पलले आफै निर्माण गरेका हुन् । भिडियोको प्रमोशनमा पल शाहले खुलेरै लागेका थिए ।
फिल्मबाट केक काट्ने अवसर विरलै पाएपनि पलले हरेक दिन भिडियोका लागि भने केक काटिरहेका छन् ।
प्रतिक्रिया