काठमाडौंको असनमा आगलागी

काठमाडौँ- काठमाडौंको असन क्षेत्रमा बिहीबार दिउँसो आगलागी भएको छ। असन चोकबाट महाबौद्ध मन्दिरतर्फ जाने बाटोमा रहेको एक घरमा आगलागी भएको हो।

जिल्ला प्रहरी परिसर काठमाडौंकी प्रवक्ता डिएसपी पूर्णिमा कुमारी चन्दका अनुसार होम अप्लायन्सहरू राखिएको गोदाममा आगलागी भएको हो।

दिउँसो ३ १७ बजे आगलागीको सूचना प्राप्त भएपछि प्रहरी, सशस्त्र प्रहरी र सेनाको दमकल टोली घटनास्थलमा पुगेको थियो।

हाल आगो नियन्त्रणमा लिने प्रयास भइरहेको डिएसपी चन्दले जानकारी दिएकी छिन्। आगलागीबाट भएको क्षतिको विवरण भने अहिलेसम्म प्राप्त भएको छैन।