बुटवलमा मोटरसाइकलको ठक्करबाट पैदलयात्रीको मृत्यु

काठमाडौँ- बुटवलमा मोटरसाइकलको ठक्करबाट एक जना पैदलयात्रीको मृत्यु भएको छ।

बुटवल उपमहानगरपालिका(१२ तामनगरमा लु ९३ प ९३७ नम्बरको मोटरसाइकलले ठक्कर दिँदा ६५ वर्षीय दुर्गा बहादुर थापाको ज्यान गएको हो।

घटना बुधबार बेलुकी भएको थियो। गम्भीर घाइते भएका थापाको चौराहा अस्पतालमा उपचारको क्रममा बिहीबार दिउँसो मृत्यु भएको प्रहरीले जनाएको छ।

प्रहरीले मोटरसाइकल चालकलाई नियन्त्रणमा लिएर घटनाको अनुसन्धान गरिरहेको जनाएको छ।