तनहुँमा किशोरी बलात्कारको आरोपमा १ जना पक्राउ

काठमाडौँ- तनहुँमा १६ वर्षीया किशोरीलाई बलात्कार गरेको आरोपमा एक जना पक्राउ परेका हुन् । पक्राउ पर्नेमा बन्दिपुर गाउँपालिका १ डुम्रे बस्ने भारत मोतीहरी घर भएका २२ वर्षीय श्रवण कुमार हुन् भने उनलाई शुक्रबार बिहान पक्राउ गरिएको प्रहरीले बताए ।

श्रवणले ती किशोरीलाई डर त्रास देखाई गत असोज १५ गते जबरजस्ती करणी गरेको भन्ने उजुरी प्रहरीमा परेको थियो। सोही उजुरीका आधारमा जिल्ला प्रहरी कार्यालय तनहुँबाट खटिएको प्रहरीले उनलाई पक्राउ गरेका छन् । थप अनुसन्धान भइरहेको प्रहरीले जनाएको छ ।