टिपरको ठक्करबाट एकको मृत्यु, एक घाइते

काठमाडौँ- म्याग्दी जिल्लाको बेनी नगरपालिका–६ डम्मरामा टिपरको ठक्करबाट एक जनाको मृत्यु भएको छ भने अर्का एक जना गम्भीर घाइते भएका छन्।

शनिबार साँझ बेनीबाट सिङ्गा तातोपानीतर्फ जाँदै गरेको ग १ क ५७३५ नम्बरको टिपरले सिङ्गा तातोपानीबाट बेनी आउँदै गरेको ध ७ प ४००५ नम्बरको मोटरसाइकललाई ठक्कर दिएको थियो। मोटरसाइकल चालक मङ्गला गाउँपालिका–३, बरङ्जाका ४६ वर्षीय थमबहादुर रोका। उनलाई गम्भीर घाइते अवस्थामा पोखराको मेडिकल कलेजमा उपचारका क्रममा मृत्यु भएको हो। मोटरसाइकलमा सवार बेनी नगरपालिका–७ मङ्गलाघाटका ४५ वर्षीय प्रेम शाही।

उनको पोखराको मणिपाल शिक्षण अस्पतालमा उपचार भइरहेको छ। दुवैजनालाई प्रादेशिक अस्पताल बेनीमा प्राथमिक उपचार गरिएको थियो। थप उपचारका लागि शनिबार राति पोखरा पठाइएको थियो। टिपर चालक बेनी नगरपालिका–५ पुलाचौरका ३८ वर्षीय खिमे दर्जीलाई जिल्ला प्रहरी कार्यालय म्याग्दीले नियन्त्रणमा लिएको छ। दुर्घटनाको विषयमा प्रहरी निरीक्षक सागर पौडेलको नेतृत्वमा थप अनुसन्धान भइरहेको छ।