फिल्म ‘एक्टर–टेक १’ आज बिहानीको शोजमा रिलिज भएन । फिल्म ‘एक्टर र एक्टर–टेक १’का निर्माताविच सहमती भएसँगै आज बिहानैबाट फिल्म रिलिज हुने अपेक्षा गरिएको थियो ।
तर, हलले अदालतबाट मुद्दा फिर्ताको प्रक्रिया पुरा नभएसम्म फिल्म रिलिज नगर्ने बताएपछि बिहानीको शोजमा यो फिल्म लागेन । बिहानीको शोज खुलाएका अधिकांश हलले हिजो बेलुका नै हटाएका थिए ।
अहिले साढे ११ बजेबाट भने धेरैजसो हलमा शोज छ । तर, अहिलेसम्म मुद्दा फिर्ताको प्रक्रिया सकिएको भन्ने खबर सार्वजनिक भएको छैन । जसकाकारण, बाँकी शोजहरुमा फिल्म लाग्छ या लाग्दैन पक्का छैन ।
तर, दर्शकले भने टिकट काटिरहेका छन् । वुधबारदेखि नै रिलिजमा आउनुपर्ने फिल्म अदालतको आदेशपछि रिलिज हुन सकेको थिएन । फिल्म रिलिज नहुँदा दुई दिनको बिदामा निर्मातालाई ठुलो रकम घाटा लागेको छ ।
राजन भुषालको निर्देशनमा तयार भएको यो फिल्ममा प्रदीप खड्का, राजवल्लभ कोइराला, आना शर्मा, दिव्या रायमाझी लगायतका कलाकारहरुको अभिनय छ ।
प्रतिक्रिया