काठमाडौँ- नेकपा (एमाले) का सांसद ठाकुरप्रसाद गैरेले पूर्वराजा ज्ञानेन्द्र शाहमाथि प्रजातन्त्रप्रति विषवमन गर्ने आरोप लगाएका छन्। प्रतिनिधि सभा बैठकमा बोल्दै गैरेले पूर्वराजा शाहको प्रजातन्त्र दिवसको दिन सार्वजनिक गरेको भिडियो सन्देशको आलोचना गर्दै यसले सहिदहरूको अपमान गरेको आरोप लगाए।
सांसद गैरेले शाहकै कारण राजतन्त्र ढलेको भन्दै भने, ूशाहले संविधान उल्लङ्घन र निरङ्कुशता लाद्ने काम गरेका कारण राजतन्त्रको समाप्ति भयो।ू उनले जननेता मदन भण्डारीको २०४८ सालको चुनावको सन्दर्भमा उल्लेख गर्दै भने, ूराजाले संविधानको उल्लंघन गर्न खोजेपछि मदन भण्डारीले भनेका थिए कि संविधान उल्लंघनको प्रयासले राजतन्त्रको अन्त्य हुनेछ।ू
गैरेले शाहलाई वर्तमान व्यवस्थाले दिएका अधिकारको सम्मान गरेर सदुपयोग गर्न आग्रह गरे, भने अहिलेका राजा शाहको स्थानमा बसेर लोकतान्त्रिक व्यवस्थाको पालना गर्नु उपयुक्त हुनेछ।
प्रतिक्रिया