काठमाडौं । एमालेले अध्यक्ष केपी ओली पक्राउको प्रतिवाद गर्ने निर्णय गरेको छ । शनिबार बसेको एमालेको सचिवालयको बैठकले सो निर्णय गरेको सचिव महेश बस्नेतले जानकारी दिए । एमालेले ओलीलाई तत्काल रिहा गर्न मागसमेत गरेको छ । ‘आमजनसमुदाय, नागरिक समाजको दृढताको साथ कानुनी तथा राजनीतिक रूपमा सशक्त प्रतिवाद गर्ने’, बैठकको निर्णयको पहिलो बुँदामा उल्लेख छ ।
आम जनसमुदाय , नागरिक समाजको दृढताको साथ कानुनी तथा राजनीतिक रूपमा सशक्त एमालेले प्रत्येक जिल्लाको सदरमुकाममा शनिबार अपराह्न ३ बजे जनसंगठनहरूको तर्फबाट विरोध प्रदर्शन गर्ने निर्णय गरेको छ । यस्तै, प्रत्येक जिल्लामा चैत १५ गते १२ बजे जिल्ला पार्टी कमिटीको आयोजनामा व्यापक प्रदर्शनसहित प्रमुख जिल्ला अधिकारी कार्यालयमा विरोधपत्र बुझाउने, लोकतन्त्र र कानुनी राज्यका पक्षधर सबै दलहरूसँग संबाद र सहकार्य गर्ने।
नागरिक समाज र आम जनसमुदायसँग सहकार्य गर्ने निर्णय पनि गरेको छ । एमाले काठमाडौंले ओली पक्राउविरुद्ध शनिबार बिहानदेखि नै आन्दोलन थालेको छ । एमाले कार्यकर्ता राजधानीको सडकमा झन्डा र ब्यानरसहित उत्रिएका छन् ।
प्रतिक्रिया