काठमाडौं । भारतको कक्रोच जनता पार्टी (सीजेपी)का संस्थापक अभिजित दीपके, सहसंयोजक सौरभ दास र आशुतोष रांका प्रहरी हिरासतबाट रिहा भएका छन् ।
समाचार संस्था लाइभ लका अनुसार, तीनै नेतालाई कार्यकारी मजिस्ट्रेटसमक्ष उपस्थित गराइएको थियो । सुनुवाइपछि मजिस्ट्रेटले उनीहरूलाई रिहा गर्न आदेश दिएका थिए ।
तीनै नेताका वकिल सौतिक बनर्जीले उनीहरू रिहा भएको पुष्टि गरेका छन् । उनले अब तीनै जना त्यहाँबाट बाहिर जान सक्ने बताएका छन् ।
दिल्ली प्रहरीले अक्टोबर १० मा दीपकेसहित तीनै जनालाई दिल्ली विमानस्थलमा विमानबाटै हिरासतमा लिएको थियो । त्यसपछि कक्रोच जनता पार्टीले उनीहरूको रिहाइको माग गर्दै आएको थियो ।
यसअघि युट्युबर ध्रुव राठीलाई पनि प्रहरीले हिरासतबाट रिहा गरिसकेको थियो । यद्यपि, उपलब्ध विवरणमा तीनै नेतालाई हिरासतमा लिनुको कारण र मजिस्ट्रेटले रिहाइको आदेश दिनुको विस्तृत आधार खुलाइएको छैन ।
प्रतिक्रिया