विजयको नाममा ‘लाज शरणम्’को प्रचार

फिल्म ‘पुर्ण बहादुरको सारङ्गी’ रिलिज अगाडिसम्म पनि कलाकार विजय बरालले थुप्रै फिल्ममा अभिनय गरेका थिए । तर, उनको नाम फिल्म बनाउनेहरुले पनि महत्वका साथ लिदैनथे । मिडियामा पनि विजयको नाम कहिले कलाकारको सूचीमा आउथ्यो, छुटे पनि खासै वास्ता हुन्थेन ।

तर, फिल्म ‘पुर्ण बहादुरको सारङ्गी’ रिलिज भइसकेपछि भने विजयको नाम कुनै फिल्मका लागि ब्रान्ड नै बन्न थालेको छ ।

फिल्म ‘लाज शरणम्’मा कलाकार विजय बराल पनि छन् । तर, यसअघि उनको नाम यसरी हाइलाइट भएको थिएन । तर, अहिले उनले दोस्रो चरणको छायांकन सुरु गरेको, छायांकन सकेको, ‘पुर्ण बहादुरको सारङ्गी’ पछि रिलिज हुन लागेको विजयको पहिलो फिल्म ‘लाज शरणम्’ भन्दै प्रचार गरिएको छ ।

यसअघि कुनै पनि फिल्ममा विजयको प्रचार यसरी भएको थिएन । फिल्ममा अरु थुप्रै नाम चलेका कलाकारहरु छन् । तर, विजय नै अहिले प्रचारको मुख्य अस्त्र बन्न थालेका छन् ।

एउटै फिल्मले विजयको करिअरलाई नै बदलिएको छ । अब, मुख्यकुरा उनी कस्तो फिल्ममा अनुवन्धित हुन्छन् भन्ने हो ।