वुटवलमा खुल्यो ‘फ्रेन्ड्स सिनेमाज्’

वुटवलमा शुक्रबारबाट नयाँ हल खुलेको छ । २२२ सिट क्षमताको ‘फ्रेन्ड्स सिनेमाज्’ शुक्रबारदेखि औपचारिक रुपमा संचालनमा आएको हो । धरानको चर्चित फ्रेन्ड्ज सिनेमाजको फ्रेन्चाइजको रुपमा यो हल संचालनमा ल्याइएको रोयल सिने हब प्रालिले जनाएको छ । आशिष तामाङ, प्रदिप धामी र पुष्कर घिमिरेले वुटवलमा यो हल संचालनमा ल्याएका हुन् ।

आफूहरुले नयाँ व्यवस्थापन, अत्याधुनिक प्रविधि तथा दर्शकलाई विविध सेवासुविधा र सहुलियत दिएर यो हल संचालनमा ल्याएको उनीहरुको भनाई छ । यो हलमा १५० रुपैयाँ टिकटदर राखिएको छ ।

बिहानी शो, मंगलबार र बुधबार भने टिकटदर अझ सस्तो हुने उनीहरुको भनाई छ । दैनिक ६ शोसम्म चलाउन मिल्ने भ्यूज सिनेमाज् अब फ्रेन्ड्स सिनेमाज्को रुपमा संचालनमा आएको हो । यो टिमले फिल्मको वितरण पनि गर्दै आएको छ ।