फूलपातीमा थपियो बसन्तको ‘दशमी’

आउँदो बर्षको दशैंको फूलपातीको दिन नयाँ फिल्म ‘दशमी’ पनि थपिएको छ । फिल्म ‘ज्वाइँ साब’का निर्देशक बसन्त निरौलाले आज यो फिल्मको घोषणा गरेका हुन् ।

भक्तपुरको सूर्य विनायक गणेशस्थान मन्दिरमा स्क्रिप्ट पूजा गर्दै फिल्म निर्माणको घोषणा गरिएको हो । रेड आई फिल्मस् र रोमन फिल्मस्को प्रस्तुति रहने यो फिल्ममा राजकुमार पण्डितको लगानी रहनेछ । फिल्ममा दिलिप रानाभाटको लेखन छ ।

विजय बस्याल कार्यकारी निर्माता रहेको फिल्मका कलाकारहरुको बारेमा भने केही पनि बताइएको छैन ।

यसअघि यही मितिमा ‘परालको आगो, माइतीघर, महाराजधिराज’ले औपचारिक रुपमा रिलिजको घोषणा गरिसकेका छन् ।

अन्य केही फिल्म पनि यो मितिमा आउने तयारीमा छन् ।