काठमाडौं l पश्चिम नवलपरासीको सुस्ता मा नेपाली भूमिमा निर्माणाधीन तटबन्धमा भारतीय सीमा सुरक्षा बल (एसएसबी)ले अवरोध गरेको घटना सार्वजनिक भएको छ। नयाँ ठेक्काअन्तर्गत नदी कटान नियन्त्रणका लागि भइरहेको तटबन्ध निर्माणका क्रममा भारतीय पक्षले आपत्ति जनाउँदै काममा अवरोध गरेको बताइएको छ।
यो घटना प्रधानमन्त्री बालेन्द्र शाह ले संसद्मा नेपाल–भारत सीमासम्बन्धी अभिव्यक्ति दिएको केही समयपछि सार्वजनिक भएकाले राजनीतिक रूपमा पनि चासोका साथ हेरिएको छ। यद्यपि हालसम्म प्रधानमन्त्रीको अभिव्यक्ति र सुस्ताको घटनाबीच प्रत्यक्ष सम्बन्ध रहेको कुनै आधिकारिक पुष्टि भएको छैन।
स्थानीय प्रशासनका अनुसार घटनाबारे जानकारी संकलन भइरहेको छ भने नेपाली सुरक्षा निकाय र सम्बन्धित अधिकारीहरूले भारतीय पक्षसँग समन्वय गरी समस्या समाधानका लागि पहल थालेका छन्। सुस्ता क्षेत्र लामो समयदेखि नेपाल–भारत सीमा विवाद र नदीजन्य समस्याका कारण संवेदनशील मानिँदै आएको क्षेत्र हो।
घटनाले सीमा क्षेत्रमा विकास निर्माणका काम र द्विपक्षीय समन्वयको विषयलाई पुनः चर्चामा ल्याएको छ।
प्रतिक्रिया