नेपाल टेलिकमको टावरमा चढेका युवक सुरक्षित रूपमा ओर्लिए

मलंगवा । सर्लाहीका २४ वर्षीय अफसर आलम हुसैन नेपाल टेलिकमको करिब ८० फिट अग्लो टावरमा चढेका थिए। परिवारका सदस्य र स्थानीयको सम्झाइ–बुझाइपछि उनी सुरक्षित रूपमा टावरबाट ओर्लिएका छन्।

गोडैता नगरपालिका–९ निवासी हुसैन सर्लाहीको सदरमुकाम मलंगवास्थित नेपाल टेलिकमको टावरमा चढेका थिए। केही समयपछि परिवारको आग्रह र सम्झाइपछि उनी सकुशल तल झरेर घर फर्किएका छन्।

घटनाबारे आवश्यक जानकारी संकलन गर्ने कार्य भइरहेको प्रहरीले जनाएको छ।