काठमाडौं । तेस्रो नेपाल प्रिमियर लिग (एनपिएल) अन्तर्गत आजको दोस्रो खेलमा जनकपुर बोल्ट्स र कर्णाली याक्सबीच प्रतिस्पर्धा हुँदैछ। खेलमा टस जितेको जनकपुरले कर्णालीलाई पहिले ब्याटिङको निम्तो दिएको छ।
प्रतियोगिताअन्तर्गत आजको पहिलो खेलमा चितवन राइनोजले विराटनगर किङ्सलाई ८ रनले पराजित गरेको थियो। चितवनले दिएको १५८ रनको लक्ष्य पछ्याएको विराटनगर १४९ रनमै समेटिएपछि चितवनले जित निकालेको हो।
एनपिएलको जारी संस्करणमा यसअघि भएका पहिलो र दोस्रो खेलमा क्रमशः लुम्बिनी लायन्स र चितवन राइनोजले जित हासिल गरेका छन्।
जनकपुर र कर्णालीबीचको खेलमा दुवै टोली जित निकाल्ने लक्ष्यसहित मैदानमा उत्रिएका छन्। टस हारेको कर्णालीले पहिले ब्याटिङ गर्दै जनकपुरसामु प्रतिस्पर्धात्मक लक्ष्य प्रस्तुत गर्ने प्रयास गर्नेछ भने जनकपुरले बलिङबाट विपक्षी टोलीलाई रोक्ने रणनीति अपनाउनेछ।
प्रतिक्रिया