१४ जनाको ज्यान जाने गरी भएको पाल्पा दुर्घटनापछि शोकमा डुब्यो पूरै तानसेन बजार, शोक मनाउन पाल्पाका उद्योग व्यवसाय बन्द
शुक्रबार १४ जनाको ज्यान जाने गरी भएको पाल्पा दुर्घटनापछि शोकमा डुबेको छ । यसैबिच शुक्रबार पाल्पामा भएको बस दुर्घटनाको शोक मनाउन आइतबार पाल्पाका उद्योगधन्दा, पसल व्यवसाय बन्द गरिएको छ । पाल्पा उद्योग बाणिज्य संघको अगुवाईमा व्यापारी, व्यवसायीहरुले पसल व्यवसाय बन्द गरिएको हो ।
संघका अध्यक्ष मोहन श्रेष्ठका अनुसार अध्ययन भ्रमणका लागि तानसेनबाट रामपुर जाँदै गरेको लक्ष्मी बचत तथा ऋण सहकारी संस्थाका पदाधिकारी, सदस्य एवं कर्मचारी सहित अतिथि चढेको बस रम्भा गाउँपालिका ४ हुमिनको धारदी बनमा शुक्रबार बिहान दुर्घटना हुँदा ११ जनाको घटनास्थलमै र उपचारका क्रममा ३ जनाको अस्पताललमा गरी १४ जनाको ज्यान गएको थियो ।
घाईते ४ जनाको काठमाडौं र ५ जनाको मिसन अस्पताल पाल्पामा उपचार भैरहेको संघका अध्यक्ष मोहन श्रेष्ठले जानकारी दिए ।