काठमाडौँ । बैतडी पुगेका पूर्वाधार विकासमन्त्री सुनिल लम्साललाई स्वास्थ्यमा समस्या आएपछि नेपाली सेनाको हेलिकोप्टरमार्फत उद्धार गरी धनगढी हुँदै काठमाडौं ल्याइएको छ।
मन्त्रीका प्राविधिक सल्लाहकार दिनेश रावतका अनुसार हिँड्डुल गर्नसमेत समस्या भएपछि उनलाई बैतडीबाट धनगढी ल्याइएको हो। थप उपचारका लागि धनगढीबाट काठमाडौं लगिएको रावतले जानकारी दिए।
सुदूरपश्चिमका विभिन्न जिल्लामा राजमार्ग तथा पूर्वाधारको अवस्था निरीक्षण गर्न पुगेका लम्सालको स्वास्थ्यमा समस्या आएपछि पूर्वनिर्धारित निरीक्षण कार्यक्रम प्रभावित भएको छ।
प्रतिक्रिया